(( تسـاؤل ؟؟؟ ))

من طرف فؤاد يوسف 22/12/2012, 7:00 pm

(( تسـاؤل ؟؟؟ ))

~~~~~~~

ليش الهوى ما عاد منّو انشم ..... نفحات كانت تـنعش الأرواح !!

معقول إنو صار يحمل سم ؟؟...... أو بَـدَّل العطر الزكي بـ رماح

؟؟؟
برأيي أنا معقول ؟؟ حيث النم ..... والخيخـنة نشروا وبَى بكل ناح

وبفضلهن ساد الفساد وعم .......... بربوع أهل الخير و الإصلاح

و زال الأمان و كيف بدّو يتَم ........ ما زال حب الكان رابط راح

و ما عاد في بـِ العم لهفة عم ......... حتى ولا أفــراح بـِ الأفـراح

الوردة ال يبقى حولها يلتم ....... نحل الربى ؟ من عطرها الفوّاح

صارت بدال المي تشرب دم .......... عن يـَد مجرم خاين وسفـّاح

وطبعاً متايل متلها بتـنضم ....... لـ الهيك شربوا من نزيف جراح

ومن هـَ النزيف النهر أصبح يَم ...... وتمكّن الموج الجبل يجتاح

ما عاد في أعلام تكفي كم ...... شُهـدا فـدا الأوطان دمن ساح ؟؟

يـا رب موطنّا بحفظو اهتم ......... و الناس غيم الهم عنها زيح

تـَ المَوطن ونحنا بقى نرتاح