الزلم معادن

قالو الزلم معادن
بيهم جبان وبيهم الكرار
بيهم خسيس ملون ألف لون ولون وثعلب ومكار
وبيهم عذاري محصنات بحيل
ما توقف بباب الدار
بيهم الشهم مقدام سبع وابن سباع
ما يهاب النار
بيهم ردي ورخيص
وبالحجي ثرثار
وبيهم كلمتو مثل حد السيف
قاطع وبتّار
ما يهاب الموت
واقف مثل نخلة بوجه الريح جبّار
مقدام وأبي مهيوب
وبكلمة الحق شعار


تهاب المنايا شوفتو فدائي
وللفدى مغوار
يسقي بدم وعرق ترابك يا وطن
ومجدك يظل عمار
وبي من يشبه زلم.. للملك شعّار
ما يوقف على الكاع
ويّا الهوى يميل
لا ثابت ولا طيّار
كلهم ولادك ياوطن
وباحوالهم محتار
الشدايد تغربّل معادن الناس
وتوصلك لاخبار
كثر الحجي والبربرة والشوبرة ترى ماهي معّيار
الأصل عند الشدايد والمحن
وبظلمة الوقت نّوار
تحصد ياوطن ثمرة وفى وإخلاص
وانت للوفى بّذار
العايب ومخيوب ما يستاهلك
ومكانه بها الوكت عار
بجمالك ووجدك ومجدك تلّهم الشّعار
يا ابو العز والخير ينجلي الحيف عنك
يا مكلل بغار
يا قداح يا ريحان يا عشق البنات الحور
يا كل الأمم والحضارات منك تغار

الشدايد تغربّل معادن الناس وتوصلك لاخبار كثر الحجي والبربرة والشوبرة ترى ماهي معّيار الأصل عند الشدايد والمحن وبظلمة الوقت نّوار تحصد ياوطن ثمرة وفى وإخلاص وانت للوفى بّذار العايب ومخيوب ما يستاهلك ومكانه بها الوكت عار بجمالك ووجدك ومجدك تلّهم الشّعار يا ابو العز والخير ينجلي الحيف عنك يا مكلل بغار يا قداح يا ريحان يا عشق البنات الحور يا كل الأمم والحضارات منك تغار أديبنا الغالي يزيد الله الله ما أروعك أستاذي لقد أبدعت اليوم واكثر أيها المتألق تصوغ من الاحرف عقودا من لؤلؤ بغاية الروعة هنيئا لنا بك بوركت لنا وسلم القلم أسجل إعجابي الدائم بكل كتاباتك الرائعة والمتميزة ودي وعبير ردي حسناء