صدفة التقو بعيونها عيوني /جوزيف الهاشم (زغلول الدامور)

حسناء العمري كتب:وإيدين متل الشمعتين قصار
ما عرفت كيف وليش ضموني

ولفو ع وسطي داير ومندار
ولولا ما أجمد كان حرقوني

والشعر يا ليلة بلا أنوار
من عنبر كوانين مشحونة

وجبين طافح بالحلا فوار
خلا عقول الناس مفتونة

والحاجبين الجار حد الجار
سيفين بالحدين دبحوني

والأنف قمقم شايلو العطار
لدموع أحلى زهور ليمونة

شفاف حمر بيسكرو الخمار
من فرد نقطة خمر سكروني

وسنان شال الفل منها زرار
بيضا بلون العاج مدهونة

ورمانتين بيبهرو الأنظار
ع الصدر يا ريتن يقبروني

وعالخصر عيني بتحسد الزنار
لو مطرح الزنار حطوني

تكنت أكشف بقوة الأسرار
ومعليش لو مجنون عدوني