غصبن عني .. طلعت الأول /زينات القليوبي /شعر عامى

من طرف العبيدي جو 3/11/2008, 5:17 am

غصبن عني .. طلعت الأول ؟!!!
زينات القليوبي

آخر سطر
ف رحلة
قهر

أخر حرف ف كلمة
مــوت
كانــت
طلقه
شقت صدر كتـاب
العمر
سقطت أخر
ضحكــة
قلب
قام
زلزال ف بقايــــا
الروح
يعصف ..
يهدم .. يردم
صبر
يوأد ..
ذكري .. ويولـد
جرح
لسّه بيعـــزف وسط
مشاعري
فوق أوتار
مقطوعه
بفن
أخر لحن
لغنــــوه .. نستني
أخر آهه
زماااان .. وجعتني
أخر ورده
ف قلـب .. كتابي
أخر
نكته
قالوهـا .. صحابي
أخر شمعــه
طفتني .. معاها
أخر دمعه
ف حضن .. الليل
أخر
شكوي
لصدرك .. يامّه
أخر لمسّــه
بإيـــــدك .. يابا
أخر مرّه
لمـــــحت .. أخويا
أخر
قفلة
بـــاب .. ورا منك
أخر يـوم
ودعت .. الراحــه
أخر ..
أخر ..
أخر ..
أخر ..

دايما كنت
بااقول
الأخر
بس الليلــــة
عرفت
ياحزني
إنك رافض تبقـي الأخر
وإنك عايز تبقــــــي
الفايز
لاجل
ماتاخد .. عنــــي
جوايز
قمت
مذاكــــــر كل
سنيني
رحت
مراجــــع
كل
دروسي
وآما ..
حفظــــت
ياحزنـي
قاموسي
المـــــرّه
دي .. بكل
جداره
فوق إحساسي
اللي أنت
قتلته
غصبن عني
طلعت ..
الأول ؟!!

* * *
عن موقع الورشة الثقافي