مواســـــــــــــــــم للعطـــــــــش والجوع

ياشجرة فى وسط الطريق
ياضحكه من عين الصديق
وجوه القلب احساسى بكل الناس
تكون اهلى
توهتوا ليه ؟
1-
مواسم
ليل الشتا فرحان بخوفى م الطريق
والأنسجام بين السطور ضحكه ولكن
من عذاب التجربه باتهد
خوفى عليا م الوقوع يشبه لخوف المد م الغربه
اشتاق الى كل القلوب
حرت العيون للصور ياخدنى من ناسى
خايفين ياحراسى
وانا جسمى يشبه للمسيح ف الصلب
من غربتى بين العيون القلب منى يتفزع
كل الليالى للقمر لون البكا
راح يعمل ايه فينا اليتيم ساعة ماتختم ضحكته ع العيش؟
وهايعمل ايه لو يوم هانخطف كحكته العجبه؟
- حلم الغلابه ف البلد لقمه ولو قد الصباعتكسر مرارة انتظار الدور
وحوارى بتسلم حوارى للطابور سكه بتستنظر ليوسف
عصره للصبار ف حلق الخلق شق شق يانهار
ينشف على خشب الصليب الدم
جوايا اتمنى الخروج للكون احلم اكون مجنون
واقبل تعازى من بيوت الحى
شرخ الصديق ف اللقا ورده وايده تمام تشبه لشكل الغصن
وبرغم كل الحزن والخوف المعشش ف القلوب
بيدوب ف قلبى توب حنانه للبلاد
اتخض واهرب م الحقيقه المر
الاقيه بينسج بين عيونكم توب جديد
ليه نقلعوه ساعة ماتخلص آخر قطمه ف اللقمه ؟
مرفوع عليا ف الطريق موجه وهوجه وسط حبة اعلانات
وربيع لجوع الخلق حته م العطش
تسقط على صورتى العيون0000 اضحك


2- سكه
قلبى اللى مدى للعيون ضحكه
ليه يتفزع من زحمة الطوابير00؟

3-ريحه
جوانا من مده
حب الوطن عايش
جوانا كان انسان
دلوقت ليه 0000 ريحة عفن؟

سلام عليك ... أستاذ حسني
لدى قراءتي لمواسم العطش و الجوع أو بالأحرى مواسم القحط
تعبرني حروف المنفى للروائي " عبد الرحمن منيف " ... المنفى المُقيم :
فالمنفى , هو المكان البارد , الموحش , الذي يشعرك دائما أنك غريب , زائد و غير مرغوب فيه
المكان الذي تفترضه محطة أو مؤقتاً , فيصبح لاصقا بك كالعلامة الفارقة و لأنه مؤقت يصبح وحده الأبدي
كالقبر , لا يمكن الهروب منه أو مغادرته .

دام قلمك

دانيه بقسماطي