كلمات أغنية مردلية: ساير دي ساير ورك....كلمات اسحق قومي

من طرف اسحق قومي 3/3/2010, 8:01 pm

أغنية بعنوان
ساير دي ساير ورك

كلمات الشاعر اسحق قومي

القرار: ساير دي ساير ورك أهل الزمان كلن
عقلك وقلبك دلال لتحجرن حلن
1= أنت صادق وآمين وكلمتك حرا
وتتعيشو بين البشر قلن آغا بالله
2= غيرك عبو جيوبن صاروا زنيكينْ
لهن بيوت فلبلد والشام وميردين
3= تعرف فلان ورك غبي كان بالله
حطوهو مركز عيلي ويخافوهو والله
اللازمة: ساير دي ساير ورك أهل الزمان كلن
عقلك وقلبك دلال لتحجرن حلن
4= لاتكون معقد دلال مافي قانون ميزان (ميزين)
حرمتو نفسك ورك من دنيتل نسوان
راهب بالدير ما كنت ولاعطوك ثمان
بين الكتب والكتب ظاعت سنين ثمان
أيش فايدتك يادلال محد يقر ا شعارك
وغنوي وحدي ورك وتظيع اخبارك
هزت خصر يلزما يلعن أبو حالك
أشرب وأشرب دلال كاس القهر اشرب
دار الزمان يادلال على الطيب داروا
اظحك لهن بالكذب تيحبوكو وحاروا
لا تقول لاحد وغلط ولا تعكر وداروا
جهال البلد صارو بهل زنكلي والله
حكمتك كلا دلال ضاعت في محلا
لاشت الشريف ورك حتى القبر ملا
قال المثل ياغبي ( إلي استحو ماتو)
القرار:ساير دي ساير ورك أهل الزمان كلن
عقلك وقلبك ورك لتحجرن حلن
من عقلك والله صرت مظحكي للنيسْ
سكرجيت مطاعم صارو عليك ونيسْ
رفقاتك كلن ورك صارو فوق العادي
كبر عقلك يادلال بعدك على الني
أيمت تتكبر ورك واشوفكو كرا
فقير تتموتو دلال بعدك على مرا
شهادي عيلي ورك ولا قرش والله
القرار: ساير دي ساير ورك أهل الزمان كلن
عقلك وقلبك دلال لتحجرن حلن
قالو تعا تنشوفك كنت استاد والله
اشقد طلاب خرجت كلن معلمي
أنت هوني كمانا غربي كلبوني
تيحاكموني (هلجهال) وغلطتي هي
غلطتي كانت ورك ولارواتبنا؟!!
نص الشهر مويبقا معنا قرش والله
اولادنا طول السني موياكلو الموزي
حيفين يمشو ورك وكلاش وما عنا
والاد غيرنا يلبسو حرير هند والله
غلطتي كانت دلال ولا رواتبنا؟!!
القرار: ساير دي ساير ورك أهل الزمان كلن
عقلك وقلبك دلال لتحجرن حلن
(الخاتمة) فكرتو والله دلال ترجع ولبلادي
أينو تترجع غبي مابقا ماكنك
والقيم كلا انتهت وبدلو حالك
تبكي موتبكي دلال وتبدل الموال
كاس القهر يادلال لا تشربو علبال
هذا نصيبك ورك واتحمدو الله
انتَ القمر تنفقد وبليلتل ظلما
ساير دي ساير ورك أهل الزمان كلن
عقلك وقلبك دلال لتحجرن حلن
شتاتلون ألمانيا 5/7/2006
اسحق قومي
شاعر وأديب سوري مقيم في ألمانيا
Sam1541@hotmail.com