البربارة / سمير هلال

سمر يوسف كتب:

كنـّا ولاد وننـتـظر هـالــعيد ...... تندور من حاره لحاره
ونشحد حسب ما حلّل التقليد ..... والليل كلّّو يمرق دواره
نلبس مساخر متل ما بنريد ..... وبساحة التهريج نتبارى
نتنكّر ومع مظهر التشريد ..... نظهر وقاحة عين بصّاره
بيت الكريم نشبّعو تمجيد ...... ونـغافلو بـأكتر من زيـاره
وبيت البخيل نحمّلو تهديد ...... ونراشقو مسبّات وحجاره
نغنّي لبرباره سوى ونعيد ...... ونقول قـدّيسـي يـامختـاره
طالع أبوكي عالجبل لبعيد ...... منشان فيكي يشعّل الناره
كبرنـا مع العمر بزمان جديـد
وعينا وصرنا نشوف يَخساره
شـكـل التنكّـر كيف عم بيـزيد
والأقنعة عوجوه بعض الناس
كـل يـوم ألـهـا عيـد بــربـاره

سمير هلال