أخ ... ياوطن

أخ ... ياوطن

من عشرين سنة وأكثر .....
ودعت ترابك يا وطن بالدمعات
أدري الحزن بيك يكبر....
وبيك تكثرالحسرات
شبيك يا روح تتعذر......
عشقنا إلك ما مات
أدري بيك تتمرمر .......
بس الوكت ما فات
أنت بالعمرسكر......
وبالعيد مجدّل ياشعر بنات
ما مر بيك المطر ....
وتتجّبر عليك الريح والغدرات
هذا الهوى صرصر......
وشتفيدك الآهات
ياوطن ياترف يا معمّر ....
يا ابو العز والخيرات
مكلل بثوب المجد ومزنر ...
ما تلويك لويات
عليك الله وأكبر .....
و بدربك العثرات
خنجر بيك ينحر......
والصبر بيك ما مات
احنا بيك نتجبر.....
وبيك تكبر الهامات
أنت ما جنت معبر .....
ولا أنت فرح ساعات
أنت الدايم وتقدر.....
تلم القهر والآهات
وأنت الوطن ومقدر....
بالدم مجبول والونات
وطن جوري ومعطر......
بالغيم والخضرة والمزنات
نكبر بيك ونتكبر.....
ما تنحني وبيك ....ولادات

يزيد عاشور