شوقي للبنان

من طرف سعده موسى 12/3/2011, 3:41 am

لبنان ياوطني الغالي

يانبض روحي وفؤادي

ياملجئي واماني

ناديتك ياحمايي

بصوت عالي وحامل احزاني

اشتقت ارمي باحضانك حالي

واذرف عاكتفك دمعاتي

ومن اسمك نوّر عتماتي

يالبنان وترابو الابي

اشتقت اسمع حكايات من عصر الفينيقية

وقصص ضيعات جنوبية

اشتقت اتذكرحكاية هيك الشب والصبية

لتعاهدوا يملوا الدنيا افراح سحرية

ويقفلوا باب العزوبية

ويفتحوا باب الحياة الزوجية

وحكاية هيك رجال ابطال وشجعان

رفعوا راس الامة العربية

ودافعوا عن ارضهم بجدية

وقالوا زمن الحسين وعلي

راجع ينتصر عالعدائية

بالنار او بالحجر او بالبندقية

راح نقضي عالارهابية

وحكاية ام بتصحى من قبل شروق الشمس

لتحضر الزوادة...لرجّالها

وتوقف عاباب البيت

لتودعواوتقلوا الله يحميك

وينور دربك وترجعلي بالسلامة

وحكاية هيك الطفل

لكان يلعب بالدار

ويركض حول الشجر والازهار

وعلى جناح الطيريعلّق حلم البراءة

وتحت السما يوقف بايد ممدودة

ويقول:يارب انت حامي الارض والدار

امنحنا راية الانتصار

وحكاية هيك الجارات

المجتمعة على ركوة قهوة

وعلى اول شفة...بتقول الجارة

والله لبنان بلد النور...بلد الحب والاطمئنان

والعز فيه فايح وين ماكان

اي والله وصدق اللي قال:

انو لبنان اغلى الاوطان

ياجارة شو بدي خبّرك

هيدا لبنان عندو رجال من صوّان

زنودهم مكلّلي بالغار

من عيونهم بتشرق شمس الحريّة

ياجارة كلماتك مجوهرة

لانوبفضل الله وهالرجال

بقينا صامدين بالدار

الله يحمي هالابطال

ياولادي انا شفت بعمري كتير

واذني سمعت قصص وحكايات ومواويل

بس طعم الفرح والانتصار

وحدو لعمر التسعين

ظل علقان بتمي

وحكاية هيك الصبيّه

لنايمي تحت جناح امها....تحدّثها

وتقول بتعرفي يا امي لو انو لبنان مش وطني

لاخترت لبنان وطني

لانو من صغري علّمني

انو الارض اغلى ما عندي

وان بعت ارضي كنّي بعت شرفي

صدقيني يا امي ما في احلى من لبنان

وبيمرق النهار وبيسرقنا الوقت

ومن حكاياتك يا وطني ما بشبع

ايه ولله هيدا شوقي قلك يا لبنان

يلي بتكبر فرحتي فيك

ويلي اسمك غالي ومحليك

ويلي شعبك صامد لو مهما نقال

انو خاين على ترابك داس

لبنان الله معنا والسيف سيف الامامة

ولا فتى الاّ علي ولا سيف الاّ ذو الفقار

من طرف محمد دخول 12/3/2011, 4:29 am

الآن ألهب كفي بالتصفيق
بورك الرأس الذي يحمل هذا الفكر
بورك القلب الذي يضخ حنانا
لاتنطوي تحت التأطر ولاتأسرك القبلية والمذهبية
كوني فراشة حالمة تنتقل من زهرة إلى زهرة بحرية
وفقك الله إلى مزيد من الإبداع

محمد

من طرف سعده موسى 12/3/2011, 5:07 am

السلام عليكم اخ محمد
ادمعت عيناي وانا اقرأ ردك
شكرا لهذا المرور العذب الذي عزف لحنه على قيثارة قلبي
مودتي

من طرف اميرة جزائري 12/3/2011, 6:09 pm

الى سعده موسى
راقني الإبحار في هذا النص الراقي
جميل واصلي على خطى هذا الإبداع
فلبنان غال وعليه الكلام يعجز عن الإستذكار
في حب هذا البلد الجبار
تحياتي لك

من طرف العبيدي جو 12/3/2011, 8:57 pm

بحبك يا لبنان
يا وطني بحبك
بشمالك.. بجنوبك.. بسهلك.. بحبك
وكيف ما كنت.. بحبك
بهدوئك.. بجنونك.. بحبك

سألوني شو صار ببلد العيد
مزروعة عالداير نار وبواريد
قلتلن بلدنا عم يخلق جديد
لبنان الكرامة والشعب العنيد

و نحنا اذا تفرقنا
بيجمعنا حبك
بنحبك يا لبنان

* * *

سعدة
اطلالتك اليوم كالعادة نقية
متل الثلج الأبيض اللي مغطي سفوح لبنان
صباحك حب وحنان
لوطنك لبنان
لبيروت الحبيبة
لجنوبك الغالي

وبالرغم من تأكيدي على ملاحظة الأستاذ محمد دخول
بأن لا تنطوي تحت التأطر.. ولا تدعي المذهبية تأسركِ..
لكني أقول لكِ:
روحكِ تنوء رقة وعذوبة ..
وحرفك ينضح سحراً ورقيا ..
بارك الرب روحك ..
ودمت نقية..

كل الود
جو

من طرف حسناء العمري 13/3/2011, 2:08 am

الغالية سعدة

مساؤك ورد

تحية رقيقة برقة مشاعرك
نص في منتهى الصدق والروعة
سلمت أنامل ذهبية كتبت وأبدعت

لبنان ياوطني الغالي
يانبض روحي وفؤادي
ياملجئي واماني
ناديتك ياحمايي
بصوت عالي وحامل احزاني
اشتقت ارمي باحضانك حالي

كلمات رائعة في حب الاوطان..
تحية من القلب لهذا الوطن الغالي

أسعدني تواجدي هنا في صفحتك
خالص الود
حسناء

من طرف سعده موسى 15/3/2011, 4:28 pm

اميرة جزائري
لك كل الشكر على مرورك الراقي
فلبنان بلد كل العرب الشرفاء امثالكم
لكِ كل الود

من طرف سعده موسى 15/3/2011, 4:34 pm

الاستاذ العبيدي جو
سحر مرورك دائما يغلبني
فأفشل احيانا بالرد
يسعدني ان قصيدتي نالت اعجابك
نحن ابناء وطن واحد لا نقف عند المذاهب والطوائف لاننا اخوة
شكرا لك
مودتي

من طرف سعده موسى 15/3/2011, 4:43 pm

حسناء العمري
مساؤك فل
انت الرقيقة والجميلة
ومرورك هو الذهبي المبدع
لبنان بلد لكل محب وعاشق
وانا ايضا سعدت بوجودي معكم
لكِ جزيل الشكر والتقدير

شوقي للبنان