(( صدفة ))

من طرف فؤاد يوسف 4/12/2012, 6:30 am

مِن رجعتي عالبيت عاشية ............ قالت إلي أختي بصفا نية
عالهاتف اتصلت صبية فيك .......... وتركت رقم إلها ومستحية

***

وسألت حالي مين بدها تكون ......... ياهل ترى وشو بدها مني
! إتصل فيها ؛؟ لأ هيدا جنون ... الساعة ( 12) ؟ خليك متأني ؟
بكرة الصبح أختك على المضمون ... ? تعمل على ذات الرقم رنة
وبْهَـ الشكل أمر الصعب بيهون ..... وبتعرف ال شغلوك مِن هني

***

و هيك نطرت عا نار تاني نهار ... ت البنت أعرف مين ؛ والنمرة
فيها اتصلت ؟ وبس يللي صار ......... ما ردِّت ولا طفْيت الجمرة

***

وهونة طلعت ع المعمل من البيت .... وبْديت أدّي الواجب عليي
إلا و رَن الهاتف و ردّيت ....... مين ال معي ؟ طلعت معي هـية
وقال ؟ سمعت عنَك حكي وحسّيت ...... إنك دوى جرح التهب فيي
ومن هيك عم دقـلَك و يا ريت ......... تسمح بساعة ونلتقي سوية

***

قلتها ؛ بكرة بيمشي الحال ؟ ؟ ....... قالت بيمشي وليش مابيمشي
ويللي دوى جرحي بنهجو انشال ..... يا ريت كحل يضل عا رمشي

***
د
وهون عرفت إنو الشِعر بحساب ... هالبنت ؟ ( خمر ) بدلقتو بتسْكَر
وفيها التقيت و سْبقت الترحاب .... ب هتلك قصيدة حروفها سُكَّر
وشْرَدت فيها ومن مدى الإعجاب ......... شرََّع الوحي الباب الِمْسَكَّر
وبْديت إلقي شعر فيها داب ......... و بـ رمش مِن رب السما تمسكر

سبحان الله

سبحان رب الكون عاطيها ............. كل ال ملائكتو بتشتهيها ؟ ؟
من البدر جاب النور ومن الحور ... سحر ؟ وشَعر أسود من الديجور
ومن الرمح طول ومن المنتور ..... عطر ؟ وليونة من غصون البان
أوصاف ستة تجمَّعت فيها

من طرف العبيدي جو 13/12/2012, 6:32 am

فؤآد يا محلا هالصدفـة .. شو رزقك بهـالبنت التحفـة
كلام حلو والمغزى عاطر .. والغيم عندك ع طول ماطر..
انت كبير يـا هَـالشاعر .. وجمرك ما شالله بعدو ساعر..
ماني قدك يا كبير الزجل .. بس عم حاول ع وزنك أرتجل

(( صدفة ))

(( صدفة ))

رد: (( صدفة ))