أم بؤبؤ الأخضر بقلم الدكتور عمار الملك

من طرف بنت السريان 22/9/2011, 5:08 am

أم بؤبؤ الأخضر
بقلم
الدكتور عمار الملك

كالوا صيّرج من طين رب الكون
وآني تعجّبت هم طين ويتكبَّر

بس يا تراب البيج؟ أنت مو من طين
ثلثينج عسل والباقي من سُكَّر

يا أجمل جميلة بأمة السريان
من سومر وبث نهرين ومن قيدار

الي صيرج من دون كل الناس
خلا بجبلتج مسك وشذى وعنبر

مفاتيح السما بيديك يا بطرس
أفتح بابها أترجّاك للأسمر

ما ينطيني كلبي اني أخش هناك
من غير الحبيبة الوحدي ما اكدر

ربيع الكون3 أشهر وخلصانات
وبعيونج ربيع دايم ما يتكدّر

الناس تغزلت بأم العيون السود
وآني أتغزل بأم بؤبؤ الأخضر

وج آني نذرت صومي وحرمت الكاس
ومثلي ما يروح البار والميسر

تسع وأربعين اليوم صايمهم
وباجر ينتهي الخمسين وآني أصبر

شتعلتْ غيرتج بس من غمزتي العين
بكيمرشفّتج عاصي كمت أفطر

كالت ما أريدا شفته بين الناس
يتطوطح مثل سكران يتعثّــر\

كتلها نعم أطّوطح وسكران
بس بشوفتج مو بالعرك اسكر

ميّت والكتلني كلبج الغدّار
ومثل الشهيد بموتتي أفخر

من طرف العبيدي جو 5/10/2011, 7:37 pm

أذهب وأعود الى هذه القصيدة..
أعود لأتزود من جديد بعبق العبير الذي بها ..
هذا العبير الطالع من بين غلال جبال الحب.. والبيلسان
بصراحة قصيدة روعة باللهجة العراقية
بوركت فلذة كبدكم استاذتي
بورك صاحب هذا القلم المتمكن
وأكيد فرخ البط عوام.

مودتي
جو

من طرف بنت السريان 7/10/2011, 8:54 pm

شكراًعزيزنا جو على هذا الثناء
يحفظكم الرب ويرعاكم
بوركتم يا أخ

أم بؤبؤ الأخضر بقلم الدكتور عمار الملك

أم بؤبؤ الأخضر بقلم الدكتور عمار الملك

رد: أم بؤبؤ الأخضر بقلم الدكتور عمار الملك

رد: أم بؤبؤ الأخضر بقلم الدكتور عمار الملك