بابك ياقلب سديته من سنين

من طرف جمعة الموسى 3/6/2011, 3:36 am

بابك ياقلب سديته من سنين
بابك ياقلب سديته من سنين

قلبي من العشك ماظل صبر عنده

وصيت القلب لاتعشك انته النوب

لان حظك ردي وقسمتك بعد ارده

شو ياهو التحبة يخون بيك بساع

ويبيعك بالرخص ويذبك بشده

متقلي شجرالك شو تأمن الروح

بيد ابن الحرام الماحفظ وده

كل هذا الحجي ومافاد ابد وياك

ابعد الجرح عني وبيدك ترده

وجاي اليوم اليه بعشك من جديد

بس والله انت حقك فوت وتحده

صدك ياقلب لا ما الومك ليش

افتح بابك انته وبعد لتسده

لان هذا التحبة القمر منه يغار

ويدنك على راسه ويبوسه من خده

بس كون انته يمي وابد ماتبعد

صدقني البعد لاجاب ولا وده

اعرف قلبي انه ومن يحب مجنون

دخيلك ابد لتخليه وحده

مو شاف القهر من عمره عشر سنين

لان ياهو اليحبه يصير ضده

وطعم الفرح ماضقناه ابد لليوم

لك حتى الفرح من بابي ماعده

اتعنه انه لبابك وابقى اشم بالقاع

اقولن بلكي جدمك فات واتعده

انته اخر عشك بالروح لا لتروح

الوب عليك مثل الطفل وبمهده

زرعتك ورده حلوة بوسط هاي الروح

واسقيك بدمع يا احلى ورده

اقسملك قسم بالخلق داحي الباب

كل مابعد حبك بيدي ارده

بابك ياقلب سديته من سنين 456893