حكايات حب لم ير الشمس

الحب الثاني
2
ماجي الجامعيه الحسناء
الشقراء ام عيون بنيه بقريه
وشعر اصفر ذهبي وقصير
التسريحه الجرسون
بعد ما خاصمتني على اني
ما اعرفشي معنى لاسمها
صالحتني في لجنة الامتحانات
وبقينا اصحاب واحباب
اربع سنوات
وفي مصر ام الدنيا
كانت حكاية حبي الثانيه
بترسم خيوطها وبتغزل اشعارها
ونورا اونيللي اول حب بقت ذكريات
وقالت لي ماجي الجامعيه
وكنا في الاجازه الصيفيه
قاعدين في غرناطه
وراسينما روكسي
قالت لي
انا اسمي ماجده
وبيدلعوني بماجي
كان بيتها في ابراهيم اللقاني
واهلها ارستقراطي
عرفوني وعرفتهم
وكنت باروح عندهم
اذاكر لها واذاكر معاها
وصاحباتها نيهال ومنى واميره ونيفين
مستغربين
مش عارفين
ان ابوها كان ضابط في حرب فلسطين
وبيحب الفلسطينيين
وعاش معاهم احلى سنين
حبيتها بجد
امسك ايدها
احس بفرح الدنيا كله
ابوسها على خدها
الاقي نفسي طاير في السما
نشوة الحب ما فيش زيها ولا فيه قدها
الحب الحقيقي
تكفيه اللمسه
والهمسه
والبسمه
عشت معاها احلى سنين عمري
كنت الاقوى
والاجمل
والاذكى
والاغنى
والافضل
احب الناس
والعالم
وانتصر على كل الذنوب والمعاصي
كنت ارستقراطي
لانها ارستقراطيه
حبيتها
ايوه انا حبيتها
مش قادر انسى ضحكتها
مش يمكن دي فرحة عمري
والفرحه ماصدقت لقيتها
كان فين اليوم ده غايب عني
كان فين
تسلم لي وتسلم ضحكتها
لسه باغنيها لحد دلوقتي
لكن باغنيها لوحدي
اتجوزت زي غيرها
وفلسطيني زيي
لكن مليونير عني
انا ما عنديش فلوس قده
وابوه شارك ابوها في تجارته
سبتها وبعدت عنها
سافرت ومارجعتش
دخلت مصر بعد عشرين سنه
ورحت اسال عنها
قالولي
سابوا بيت اللقاني
وراحوا الشروق
رحت الشروق
اسال وادور
ممنوع الدخول
لغير السكان المقيمين داخلها
فلل وقصور
اعمل ايه
فوق الشوك مشاني زماني
قاللي تعال نروح للحب
بعد سنين قاللي
ارجع تاني
حتروح ليه مكسور القلب
اللي نسيك
انساه
وده اللي باعمله دلوقت